اللي على حد الخضيـرا تطيـرون
عسى لكم بالدرب ستـر وسلامـه
أخذوا سلامي كان للقـرم تلفـون
أخذوا سلامي باوله مـع ختامـه
ودوه للي بالغـلا يـازن الكـون
اللي حـداه البعـد عنـا وضامـه
ودوه لبراهيـم يالربـع تكـفـون
تكفـون ودوا للمشقـا سـلامـه
تلفون ابوموضي وعنده تريضـون
تلقون غمـرن جاذبينـه عمامـه
بالطيب والنوماس مولع ومفتـون
ويكره طريق المهزلـه والرخامـه
وثنوا على حصه سلامي وممنـون
قولوا لها قـدرك رفيعـن مقامـه
وإذا لفيتوهـم فحـذرا تسـجـون
تنسون بدرن صاطعن بـه تمامـه
تنسون من له حب بالقلب مكنـون
حبه لجا بيـن اللحـم والعظامـه
موضي عليهاالقلب ولهن ومشطون
ولهن على شوفة ظبـي العدامـه
وعقب السلام وعقب ماتستريحون
أخدوا لكم فنجـال قبـل الكرامـه
قولوا له إنا بخير قـدام تمشـون
والشوق ضايقنا وشـد أحتدامـه
وأمك اليا جا طارين هلت مـزون
دمعن على الخدين جالـه علامـه
دمعي عليك يهل من دون يـدرون
مـا ودي أتبيـن علـي الندامـه
مالي جدا إلا جرت الصوت بلحون
كما تجره حـزن خطـوا حمامـه
والبيت واللي فيه لجلك ينوحـون
يبون شوفـك ياصبـي الشهامـه
قولوامتى مع ستر ربـي يعـودون
لأرض الوطن وطول فيه الإقامـه
يجون جيه عقبهـا مـا يرحـون
لهم حقـن طويلـن سنامـه
وانا لكم يالربع شاكـر وممنـون
ولكم من الولهان جـزل إحترامـه